Zie onderstaande aankondiging
(ON)zin van de Twentse noaberschap in Twekkel
Zoaterdag 9 april is 't Twente Akademie Dag in Twekkel. Van 10.00 tot 12.15 doot in de Johanneskeark dree bekeande sprekkers oawer de zin en de onzin van de Twentse noaberschap. Inloop met koffie vanof 9.30 uur. Sprekkers: TC Tubantiacolumnist Theo Hakkert, Karla Pullen van Twentse Vriejwilligersorganisatie Trivium en historicus en cultureel antropoloog Siebe Rossel. Vroagen stellen en volop met mekoar distern. Twentaalvuurzitter Bert Groothengel leaidt het moarnprogramma. Het kost € 7,50. A'j ook weelt blieven lunchen kost 't € 12,50. Betalen an de koarke. In verbaand met de beschikboare plaatsen is anmelden verplicht biej Kreenksecretaresse Alie van der Veer: avanderveer@twenteakademie.nl
Vol = Vol! Kleenkt nit vreandelijk mer 't is nich aans.
Middagprogramma is nich verplicht en vriej entree: bekeande en onbekeande Twentse schrievers least verhalen vuur in de Johanneskeark. Muziek duur Gerjanne Dannenberg op piano en fagot. In 't Kulturhus is der ne bokenmoarkt. Wi'j doar zelf beuker verkopen en goan stoan, dan kan det. Ook anmeelden biej Alie van der Veer. Iej köant ook ne lekkere waandeling van een uur maken in de umgeving van de Johanneskeark oonder leiding van nen deskundigen gids. Maakt 'r nen mooien Twentsen moarn, middag of dag van.
Geen opmerkingen:
Een reactie posten