’t Nieje Algerak ankommen woensdag 7 september in Deelden biej ’n Kreenk
Ankommen woensdag koomp Algerak in nieje bezetting en met niej repertoire biej ’t Hoogspel, Bornsestroat 1 in Deelden. Maaike Fritz dut fluite, saxofoon, zank, gitoar, percussie; Marijke Waanders viool en zank; John Gaasbeek, toetsen; Martin Robers, armonika en zank; Theo Toenink, contrabas en Bert Baarslag (zeg’e zelf) kweenkeleert 'r een betken tuskenduur en plok wat an de snoaren. Het wordt vaste een mooi optreaden ’n woensdagoawend. Algerak blif ne aangename verrassing. Op völ bekeande wiezen hebt ze ne eagen plezerige vertaling maakt. Zo maakt ze van Marina een leed met as refrein: Smaakt prima. Mer ook: Ik heb eerbied voor mijn grijze harem. ‘t Begeent um 20.00 uur. Lid van ’n Kreenk? Dan betaal iej 3 eur per persoon, zit ne kom koffie biej in. Bodbreef-abonnees en leu dee gin lid bint van ’n Kreenk betaalt 5 euro per persoon, ok met ne kom koffie. Opgeven hoof nich, mer a’j bietieds kömt, kö’j ne mooie stea oetzeuken en vol is vol.
Geen opmerkingen:
Een reactie posten